SoCot closely watching borders vs. COVID-19 Delta variant
HEALTH • 08:15 AM Sun Jul 25, 2021
554
By:
NDBC NCA
KORONADAL CITY- Tinututukan ngayon ng COVID-19 monitoring ng provincial health office ng South Cotabato ang mga bagong kaso sa mga komunidad..
Ayon kay Integrated Provincial Health Office o IPHO Disease Surveillance Officer Celia Lorenzo, ginagawa nila ito sa pakikipagtulungan sa mga health offices at ospital.
Layon nito na malaman kung ligtas pa rin sa mas nakakahawang virus ang lalawigan lalo na ng Delta variant.
Nilinaw ni Lorenzo na wala pang naitalang COVID-19 Delta variant sa South Cotabato pero may naitala nang mga kaso nito sa ibang rehiyon na maaring makapasok din sa lalawigan.
Ayon kay Lorenzo ang mga close contact na traveler na dumating at nakasabay sa eroplano ng nagpositibo sa COVID-19 Delta variant ay nag-negatibo sa RT-PCR testing at pinayagan nang makauwi.
Ang tanging kinumpirma lamang noon ng IPHO South Cotabato ang pagpositibo sa South African at Brazilian strains ng COVID-19 ng dalawang umuwi at gumaling na mga OFW. (Roel P. Osano)