9-month old baby, nakalunok ng push pin sa Kidapawan City
KIDAPAWAN CITY - Kinakailangan maoperahan ang isang nine-month old baby sa Kidapawan City matapos nitong makalunok ng push pin.
Ayon sa nanay, umoorder lang sila sa isang milkteashop nang hindi nito namalayang nakuha pala ng kanyang baby ang push pin sa naturang shop.
Mabilisan pang kinuha ng nanay ang push pin sa bibig ng bata subalit nalunok na niya ito.
Sa ngayon masigla naman anya ang kanyang baby pero napansin niyang bloated ang tiyan nito kaya minabuti nilang ipa X-ray at lumalabas na kinakailangan na maoperahan ng baby dahil 1% lang anya ang tsansiyang lumabas ito sa labasan ng dumi ng bata.
Umaapela ngayon ng tulong ang pamilya ng bata na nangangailangan ng P50,000-P100,000 para sa pagpapagamot at operasyon.
Ayon naman kay Dr. Edwin Mudanza, isang surgeon sa lungsod, na pwede naman anyang hindi na operahan at obserbahan lang ang bata hanggang maibawas nito ang pin; subalit maselan anya ito sa kondisyon ng baby dahil maaring mas bumaon pa lalo ang karayum kapag magalaw ito.
Sa nais na magpaabot ng tulong, makipagugnayan lang kay Angel Mae Denaguit sa numerong 0967-001-5574.