240 pamilya apektado ng baha sa Pigcawayan
Climate Change/Environment • 08:45 AM Thu Sep 21, 2023
628
By:
DXMS
Halos 240 na pamilyang apektado ng malawakang pagbaha sa Pigkawayan, nabigyan ng tulong ng Pigkawayan LGU at DSWD.
Personal na binisita ni Pigkawayan town Acting Mayor Niel Jake Casi kasama ang MSWDO Staff sa pamumuno ni Danica Faith Luciano, at MDRRMO staff sa pamumuno ni Romeo Capao-an, EnP. ang sitwasyon ng mga Barangay sa bayan ng Pigcawayan na naapektuhan ng tubig baha dulot ng pag-ulan.
Sinabi sa DXMS ni Pigkawayan town spokesperson Rolando "Rolly" Dillera siyam na mga barangay sa bayan ang naapektuhan ng pagbaha, pero ang pinakamatinding naapektuhan ay ang Barangay Anick, Barangay Renibon, Barangay Balogo at Barangay Capayuran.
Nasa 238 na pamilya ang naapektuhan at nabigyan ng tulong ng LGU.
Sa nasabing bilang, 11 na apektadong pamilya ang mula sa Barangay Renibon, 95 sa Barangay Anick, 81 sa Barangay Capayuran at 51 sa Barangay Balogo.
Ang lahat ng mga naapektuhan ng pagbaha ay binigyan ng food packs na mula sa DSWD XII sa suporta Regional Director Loreto Cabaya Jr.