Sugatan miembro ng Philippine Marines, pinarangalan ng 6th ID
Mindanao Armed Conflict • 16:45 PM Thu Sep 29, 2022
594
By:
DXMS Radyo Bida Cotabato
GINAWARAN NG MEDALYA ng Sugatang Magiting ang tatlong mga kasapi ng 2nd Marine Battalion Landing Team 2 o MBLT-2 na sugatan sa pamamaril sa Picong, Lanao del Sur noong gabi ng Linggo.
Ito ay para kilalanin at bigyang daan ang kabayanihan ng mga sugatan.
Mismong si Joint Task Force Central at 6th Infantry Division Commander Major General Roy Galido ang nag-abot ng medalya sa tatlong mga Marines na nagpapagaling sa Camp Siongco Station Hospital, Awang, Datu Odin Sinsuat, Maguindanao.
Kasama ni Major Gen. Galido sa simpleng recognition si Chief of Staff Colonel Edgar Catu.
Ang suspek sa pamamaril na kinilalang si Jamal Balindong Pumbaya ay naaresto ng mga otoridad kamakalawa at kasalukuyang nakakulong sa Picong MPS.
Siniguro naman ni Gen. Galido na tutulong sila sa imbestigasyon sa naturang insidente at mapanagot ang sinumang maghahasik ng lagim sa kanilang area of responsibility.