Retired Cardinal Quevedo celebrates 80th natal day March 11
NAGDIWANG kahapon ng kanyang ika-80 kaarawan si Cotabato Archbishop-emeritus Orlando Cardinal Quevedo.
Ito rin ang hudyat na hindi na maaari pang bomoto si Quevedo sa “papal conclave” na pumili ng susunod na pinuno ng buong simbahang katoliko.
Tanging si Manila Archbishop Luis Antonio Cardinal Tagle na lamang ang natitirang kinatawan ng Pilipinas sa papal conclave.
Si Quevedo ang ikawalong Pinoy na naging kardinal sa kasaysayan ng simbahan at kauna-unahan na mula sa Mindanao.
Siya rin ang Catholic church leader na nakiisa sa pagsusulong ng Bangsamoro Organic Law o BOL na nagtatag ng bagong Bangsamoro Autonomous Region in Muslim Mindanao o BARMM.
Ginawang cardinal ni Pope Francis si Quevedo noong 2014. November 2018 naman nang tinanggap ng pontiff ang resignation ni Quevedo bilang archbishop of Cotabato at siya ay pinalitan ni Archbishop Angelito Lampon.
Nabatid na bukod kay Cardinal Quevedo, ilan pang mga kardinal ang mag o-otsienta anyos na ngayong taon gaya nina Cardinal Edwin O'Brien ng United States at Poland's Cardinal Stanislaw Dziwisz.
Sa ngayon, mayroon na lamang tatlong mga buhay na kardinal sa Pilipinas; sina Quevedo, Tagle at Manila Archbishop-emeritus Gaudencio Cardinal Rosales.
Kabilang sa kanyang mga bisita sina Papal Nuncio Archbishop Gabriele Giordano Caccia, Manila Archbishop Cardinal Tagle at dating Ilocos Sur Gov. Luis Chavit Singson.