Father-son slain in Maguindanao ambush
Pamilya tinambangan sa Maguindanao; mag-ama patay, ina sugatan
MAGUINDANAO - Nagpapatuloy ang imbestigasyon ng mga otoridad hinggil sa nangyaring pananambang sa isang pamilya sa Baranggay Gawnan, Rajah Buayan, Maguindanao kaninang umaga.
Kinilala ang biktima na sina Eskak Esmail, 38 anyos, Paidza Datua Mamo, 35 anyos, at anak nilang si Datu Abdullah Mamo, 5 anyos, pawang mga residente ng Sultan sa Barongis ng naturang lalawigan.
Batay sa inisyal na imbestigasyon, mamamalengke sana sa Rajah Buayan ang mga biktima sakay ng kanilang multicab ngunit pagdating sa pinangyarihan ng krimen ay pinagbabaril umano sila ng hindi pa kilalang mga suspek.
Dead on the spot ang 5 anyos na si Datu Abdullah matapos matamaan sa noo, habang hindi rin umabot na buhay ang ama nitong si Eskak.
Habang patuloy pang nagpapagaling sa bahay-pagamutan si Paidza matapos ang pangyayari.
Inaalam pa ng Rajah Buayan PNP kung ano ang motibo sa nasabing insidente.