Cop hurt in highway ambush, kills assassin
COTABATO CITY – Naunahan na, nakabawi pa.
Ganito ang naging eksena kanina sa Sinsuat Avenue matapos tambangan si Master Sergeant Salipuddin Pangawilan na kasapi ng Guindulungan Police habang papasok na ito sa cotabato city mula sa kanyang assignment sakay ng kanyang kulay gray na Toyota Innova.
Ayon kay Cotabato City Police Colonel Richard Fiesta sinundan daw ng riding-in-tandem suspects ang biktima at niratrat nang malapitan gamit ang .45 na pistola pagsapit malapit sa isang terminal.
Bagamat tinamaan na sa balikat at paa, alertong bumawi ang pulis gamit ang kanyang dalang service firearm na M-16 rifle sa loob ng sasakyan.
Sapol ang naka angkas na suspek at nahulog ito sa motorsiklo habang kumaripas naman ang isa matapos ang nangyari sa kanyang ka tandem.
Pag dating sa tulay ng esteros ay iniwan nito ang motorsiklo at tumalon sa ilog na dala ang kanyang pistola.
Kapwa naman agad isinugod ospital ang suspek at ang biktima, pero dead on arrival na ang tinamaan sa sintido na suspek na nakunan ng i-d na may pangalang Edir Sandigan na nalagay ay isang civilian agent.
Nagpapatuloy ang hot pursuit operation laban sa nakatas na suspek na ayon sa pulisya ay “armed and dangerous” sa mga oras na ito.