1 patay, 9 sugatan sa Tboli vehicular crash
Breaking News • 15:45 PM Mon Aug 23, 2021
437
By:
DXOM Radyo Bida Koronadal
TBOLI, SOUTH COTABATO - Labis ang paghihinagpis ng pamilya ng isang estudyante matapos itong masawi sa aksidente sa daan sa Barangay Sinolon sa bayan ng Tboli.
Batay sa inisyal na imbestigasyon, papunta sa Jance Resort sa Barangay Lower Maculan, Lake Sebu ang mga biktima na pawang mga estudyante na nasa 12 hanggang 18 taong gulang ang edad sakay ng topdown.
Pagdating sa provincial road ng Barangay Sinolon ay nawalan umano ng kontrol ang driver ng sasakyan na si Mitchelle Peñafiel, 16 anyos, dahilan na nahulog ang mga ito sa kanal.
Kaagad isinugod ang mga biktima sa Moorehouse Mission Hospital sa Barangay Edwards, Tboli ngunit hindi na umabot nang buhay ang 15 anyos na si Rexzel Lou Peñafiel.
Nabatid na pawang mga residente ng Sitio Paraiso, Barangay Sinolon, T’boli ang mga biktima.