Surallah isinailalim sa state of calamity dahil sa El Niño
Climate Change/Environment • 13:30 PM Wed Apr 17, 2024
514
By:
DXOM Koronadal
Bahagi ng sakahan na natutuyo na dahil sa El Nino. (contributed photo)
Idineklara na ang state of calamity sa bayan ng Surallah, South Cotabato.
Ito ay sa pamamagitan ng resolusyon na inaprubahan ng Sangguniang Bayan.
Layon nito na magamit ang quick response fund ng lokal na pamahalaan na pantulong sa mga mamamayan na apektado ng El Nino Phenomenon.
Ayon sa SP abot na sa higit P71 million pesos ang danyos ng El Nino sa mga pananim at palaisdaan sa Surallah.
Nakaapekto naman ito sa 1,178 na mga magsasaka at mangingisda.
Sinalanta ng matinding init ang higit sa 1,000 ektaryang sakahan sa mga barangay ng Buenavista, Canahay, Centrala, Dajay, Duengas, Lamian, Little Baguio, Talahik, at Upper Sepaka.
Nauna ng tiniyak ni South Cotabato Governor Reynaldo Tamayo Jr. ang kahandaan ng lalawigan sa epekto ng El Nino Phenomenon.