Black Saturday shooting: Driver patay sa pamamaril sa Cotabato City ngayong gabi
Local News • 22:15 PM Sat Mar 30, 2024
442
By:
DXMS NDBC
PATAY nang pagbabarilin ng mga di pa tukoy na mga suspek ang isang driver, bandang alas 7:00 ng gabi kanina sa Old Market, Barangay Poblacion 6, Cotabato City.
Kinilala ang biktima na si Datu Airan M'luk Cader, 26-anyos na taga Palimbang, Sultan Kudarat Province.
Ayon sa ulat, nakaupo lang ang biktima sa loob ng kanyang maroon Toyota Town-Ace nang lapitan ng mga suspek at pinagbabaril ng maraming beses.
Narekober sa crime scene ang anim na basyo ng caliber 45 pistol.
Inaalam pa ang motibo ng krimen.
Ito na ang ikalawang kaso ng pamamaril sa Cotabato City ngayong araw.
Una ay naitala pasado alas 5:00 kaninang hapon malapit sa Delta Bridge. Sugatan naman ang biktima.