Babaeng negosyante, patay sa pamamaril sa Isulan
Peace and Order • 18:30 PM Fri Jan 12, 2024
691
By:
DXOM Radyo Bida Koronadal
ISULAN, Sultan Kudarat- Nagpapatuloy ang imbestigasyon ng Isulan PNP sa panibagong insidente ng pamamaril sa Prk. Katilingban, Brgy. Kalawag 1, Isulan, Sultan Kudarat pasado ala-1 ng hapon, Enero 12, 2024.
Sa panayam ng Radyo BIDA, kinilala ni Isulan PNP chief of police Lt. Col. Richelu Alucilja ang biktima na si April Grace Dacutin, 30 anyos, online seller, at residente ng nasabing lugar.
Ayon kay Alucilja ang biktima ay binaril posible ng riding tandem suspect habang pinaapaatras ang kanyang sasakyang Mitsubishi Xpander (Y1A461) sa harap ng kanilang bahay.
Ang nasabing biktima ay nagtamo ng malubhang mga tama ng bala ng baril sa leeg at kaliwang balikat na naging sanhi ng kanyang dagliang pagkasawi.
Inaalam pa ng PNP ang motibo sa pamamaril.
ito ang ikalawang insidente ng pamamaril ngayong linggo, matapos binaril rin ng mga suspek ang sasakyan ni DepEd Sultan Kudarat Supervisor Eric Balancio sa Brgy. Kalawag 2.
Nilinaw naman ng opisyal na magkakahiwalay at isolated cases ang mga nangyaring pamamaril sa bayan.