Cotabato City ex-bgy kagawad, 2 iba pa huli sa pagbebenta ng armas
Local News • 19:15 PM Mon Nov 20, 2023
542
By:
DXMS NDBC
Dating Brgy. Kgwd. ng Cotabato City at dalawang iba pa na sangkot sa gun-running activities, huli sa entrapment operation ng CIDG BARMM
KINILALA ni CIDG Regional Chief Police Lt. Col. Ariel Huesca ang mga nahuli na sina Tokan Salik Mamalangkas na dating kagawad, 42-anyos na taga Purok Matigkel, Rosary Heights 7, Cotabato City; Alrajem Sansaluna, 23-anyos na taga Barrio 2, Koronodal City, at Alinor Sansaluna Silongan, 21-anyos na taga Dalican, Datu Odin Sinsuat.
Nahuli ang tatlo matapos mapagbentahan ng isa sa mga suspek ang isang undercover agent ng CIDG sa isinagawang buy bust operation sa RH-7 pasado alas 2 ng hapon kanina.
Nakuha sa mga ito ang isang unit 5.56mm rifle, dalawang 45 caliber pistols, mga bala at magazines, cellphone, Toyota Fortuner at boodle marked money na P200,000.
Kulong na ngayon sa CIDG RFU Custodial Facility ang mga nahuli at sasampahan ng kasong paglabag sa RA 10591.
