Mga luxury car sinunog sa Gen. Santos, iba naagapan, isa natuluyan
Breaking News • 10:30 AM Fri Nov 10, 2023
563
By:
Edwin O. Fernandez
Mga larawan ng nasunog na Montero at susungin pa lang na sasakyan sa Gen. Santos City . (Gen. Santos City PNP)
KORONADAL CITY – Sinunog ng di pa nakikilalang mga suspect ang ilang luxury cars na nakaparada sa mga pangunahing lansangan ng Gen. Santos City.
Ayon kay City police director Colonel Nicomedes Olaivar, naganap ang panununog kagabi sa tatlong lugar sa lungsod.
Kabilang sa sinunog ang isang Mitsubishi Montero na halos kalahati nito ang naapektuhan. May tinangka ding sunugin na isang puting Montero, isang pulang SUV, isang puting Toyota HiLux.
Ang mga ito ay may palatandaan na susunugin sana, ayon kay Olaivar sa panayam ng DXOM Radyo Bida.
“Nakursunadahan lang na sunugin ang posibleng motibo,” ayon kay Olaivar.
Nagpapatuloy pa ang imbestigasyon ng BFP.
