DSWD 12 tutulong sa LGUs para solusyunan ang pamamalimos
Local News • 20:00 PM Sat Jun 3, 2023
868
By:
NDBC NCA /DXOM
KORONADAL CITY - Masalimuot ang problema sa pamamalimos kaya para ito maresolba kailangan din ng holistic approach.
Ayon kay DSWD 12 Regional Director Loreto Cabaya Jr. ang pagresolba sa nasabing problema ay kailangang pagusapan nila ng mga LGU at iba pang stakeholders.
Paliwanag ni Cabaya, mahalaga na matukoy kung anong mga interbensyon ang maaring gawin para tumigil na sa pamamalimos ang maraming mga mamamayan.
Kabilang sa mga ito ayon kay Cabaya ang posibleng legislation at utos mula sa mga local government.
Ipinunto ni Cabaya na bago solusyunan mahalaga na mapagaralan ng mabuti kung bakit mayroon pa ring mga nanghihingi ng limos.
Ito ay sa kabila ng mga programa para sa mga mahihirap ng gobyerno tulad ng Pantawid Pamilyang Pilipino Program o 4Ps.
Una nga nga nagbabala sa publiko si South Cotabato Governor at National-Anti Povery Commission o NAPC Vice-Chairman Reynaldo Tamayo Jr, na maginngat sa pagbibigay ng limos.
Paliwanag ni Tamayo ito kasi ay paglabag sa Anti-Medicancy law na may layon na protektahan laban sa pananamantala ang mga bata.
