Sa Mamasapano, MILF vs BIFF at sa Rajah Buayan naman ay MILF vs MILF

AMPATUAN, Maguindanao del Sur - HUMUPA NA ANG TENSYON sa Mamasapano, Maguindanao del Sur matapos magkabakbakan ang kasapi ng Moro Islamic Liberation Front at Bangsamoro Islamic Freedom Fighters na ikinasawi ng 2 MILF members at pagkasugat ng apat pang kasamahan nila.

Nasawi sina MILF members Muhidin Kasanudin at Mackboy Mama at sugartan ang apat nilang kasamahan na pawang kasapi ng MILF 105th base command sa pamumuno ni Commander Ben Tikaw.

Ang grupo ng MILF ay patungong headquarters ng 33rd Infantry Battalion para makipag-usap kay Battalion commander Lt. Colonel Benjamin Cadiente kung paano mapabuti at mapaunlad ang kanilang lugar.

Pero inambus sila ng BIFF na ka-rido nila sa Sitio Amilil, Barangay Tukanalipao, Mamasapano, Maguindanao del Sur sa pamamagitan ng pagpapasabog ng IED sa daanan ng MILF. Ang BIFF ay pinamumunuan ni Commander Abdulkarim Lumbatun alyas Boy Jacket.

Sinabi ni 601st Brigade Commander Brigadier General Oriel Pangcog na meron nang intervention ang Army nang ginagawa ang army upang hindi na magkasagupa ang mga naglalabang grupo. 

At patuloy ang giangawang monitoring ng AFP.

Samantala, nagkasagupa naman ang MILF laban sa MILF sa Raja Buayan.

Sa report ng PNP, patay ang isang kasapi ng Civilian Armed Forces Geographical Unit o CAFGU sa nang makasagupa ang pwersa ng MILF 105th at 106th base commands sa Raja Buayan.

Sinabi sa DXMS Radyo Bida ni Rajah Buayan PNP commander Captain Joel Lebrilla na naganap ang engkwentro umaga ng Lunes at humupa lamang ito pasado alas una ng hapon kahapon.

Away sa lupa ang dahilan ng engkwentro ng dalawang MILF groups, ayon kay Lebrilla.

Aniya, nadamay lang ang CAFGU matapos nitong ilikas ang kaniyang pamilya. Namamagitan na ngayon ang LGU, Army, PNP at MILF CCCH upang matigil ang labanan.