Ex-college teacher, female nabbed during buy bust operation
HULI SA MISMONG FATHER’S Day ang isang padre de pamilya sa ikinasang anti-drug operation ng Alamada Police Station sa Barangay Montay, Libungan, North Cotabato kahapon.
Kinilala ni Alamada town police chief Major Bryan Espinosa ang naaresto sa alias na si Rene, nasa hustong gulang na taga Cagayan de Oro City.
Nahuli si alyas Rene matapos itong ikanta ng isa pang drug suspek na naunang naaresto ng Alamada Police magtatanghali kahapon sa pareho pa ring lugar. Ayon kay Espinosa, unang nahuli ay si alias Irish, 42-anyos na taga Libungan.
Naaresto ang sinasabing dating college teacher dahil habang hawak na ng mga pulis si Irish, ay panay ang tawag ni Rene sa kanya gamit ang cellphone.
Siya umano ang drug supplier ng babaeng naaresto. Napagpasiya ni Irish na idamay nalang din ang supplier ng droga kaya’t muling ikinasa ang drug buy bust na nagresulta ng pagkahuli kay Rene. Nakuha sa kanila ang mga hinihinalang shabu.
Nasa kulungan na ang dalawa at nahaharap sa kasong paglabag sa Comprehensive Dangerous Drugs Act of 2002.