Mga dating MILF combatant tumanggap ng livelihood package mula kay MP Candao
BANGSAMORO NEWS UPDATES • 20:00 PM Wed Feb 9, 2022
876
By:
Kristine dela Peña
COTABATO CITY - NILAGDAAN NG MAFAR-BARMM at ng office ni Member of Parliament Bai Maleiha Candao ang isang kasunduan para mabigyang pangkabuhayan ang mga dating kasapi ng MILF.
Ang kasunduan ay nilagdaan nina MP Candao at MAFAR-BARMM Minister Dr. Mohammad Shuaib Yacob. Ang programa ay kabibilangan ng cattle raising program at farm inputs distribution.
Naglaan ng mahigit P2 million si MP Candao mula sa kanyang Transitional Development Impact Fund (TDIF) 2020 para maibili ng baka, kambing, manok, binhi, palay at hybrid corn seeds.
Beneficiary ng programa ang mga kasapi ng:
Maguyag Farmers Producers ng Sitio Nabilan Dinaig sa Datu Odin Sinsuat;
Katibpuan Green Agriculture Cooperative ng Katibpuan Talayan;
PRE-AM Agriculture Cooperative ng Barangay Dalimbayan; BIAF Mujahideen Agriculture Cooperative ng Barangay Ungap Sultan Kudarat town at,
Talaiged Ecological and producers Cooperative ng Barangay Dinganen, Buldon, Maguindanao.
Pinasalamatan ni MP Candao sina BARMM chief Minister Ahod Ebrahim at P. Duterte at iba pang BARMM officials sa suportang kaloob para sa mga dating mandirigmang Moro.