Bakuna gagawing passport? Taga Cotabato City, hinikayat na magpabakuna, now na!
Local News • 08:00 AM Mon Aug 2, 2021
649
By:
DXMS RADYO BIDA
People queuing at the back of Vilo Elementary School in Cotabato City. No more physical distancing. (Photo by Joel Humabad)
COTABATO CITY -- Nanawagan si Cotabato City Mayor Cynthia Guiani-Sayadi sa lahat mga taga lungsod na magpabakuna na dahil hindi malayong makarating sa lungsod ang mas nakakatakot at mas mabilis makahawa na delta variant ng COVID-19.
Ginawa ni Mayor Sayadi ang panawagan sa isang FB post kahapon sa harap ng mas mataas na banta ng viral infection.
Hiniling ni Mayor Sayadi sa lahat na magtungo sa limang vaccination hubs sa Cotabato City para magpabakuna sa lalong medaling panahon. Ang mga ito ay sa Cotabato City health office, Notre Dame Village Elementary School, Vilo Elementary School, Lugay Lugay Elementary School at Tamontaka Elementary School Aniya hindi malayong makarating sa lungsod ang COVID-19 delta variant na ngayon ay nakaapekto na sa mahigit 100 katao sa buong bansa.
Sinabi rin ni Mayor Sayadi na abot na sa 40,000 ang nakatanggap na ng 1st dose at 2nd dose at fully vaccinated na mula sa A1 hanggang A2 priority groups.
Umaasa din ang alkalde na bago matapos ang taong kasalukuyan ay makakamit na ng lungsod ang herd immunity.
Wala namang kautusan ang city govenrment na gagamitin bilang passport ang bakuna card at ang pagpapatupad ng no-bakuna-no entry policy.
Walang ganong kautusan ang city IATF. Pero, siksikan ngayon sa mga vaccination hub matapos na kumalat ang tsismis na hindi makakapasok sa mall o botika o pampublikong lugar ang walang bakuna.
Kapansin pansin na walang physical distancing sa pila ng mga gustong magpabakuna. Ang mga larawan sa ibaba ay sa likurang bahagi ng Vilo Elementary School.
