NDBC COVID 19 WATCH: 2 deaths, 24 recover, 22 new infections in Region 12
HEALTH • 19:45 PM Tue Dec 29, 2020
822
By:
NIGEL PAUL FLORA SUMANGHID/NDBC
Dalawa pang mga pasyente ang nasawi dahil sa COVID 19 ang naitala ng Department of health sa Region 12 ngayong araw.
Isa sa mga nasawi ay 66 anyos na lalaki mula Gen. Santos City at isang 84 anyos na lalaki na taga Polomolok, South, Cotabato.
Nakapagtala ng 24 na recoveries ang DOH kung kayat abot na sa 4,169 ang total recovered patients sa Rehiyon.
Ito na nag ikalawang araw na mas mataas ang bilang ng mga gumaling kaysa mga bagong kaso. Labing tatlo sa mga gumaling na pasyente ay taga South Cotabato, tig-apat sa Cotabato City at Gen. Santos City, dalawa Sarangani at isa Sultan Kudarat.
Nakapagtala din ng 22 na bagong kaso ng Covid-19 sa Region 12. Labing apat sa mga bagong kaso ay taga Gen. Santos City, anim South Cotabato at dalawa Cotabato City.
Sa ngayon, 4,604 na ang confirmed cases sa Soccksargen kung saan 270 ang active cases.
Habang 164 na ang nasawi dahil sa Covid.
