Voting precincts sa Buluan, Maguindanao Sur, sinunog pagkatapos ng eleksyon
NDBC BANTAY HALALAN 2023 • 19:15 PM Tue Oct 31, 2023
689
By:
DXMS NDBC
COTABATO CITY - DALAWANG mga polling precincts ang sinunog sa Brgy Lower Siling, Buluan, Maguindanao del Sur, pasado alas 3:00 ng hapon nitong Lunes, o pagkatapos ng voting hours.
Ayon kay Buluan Bureau of Fire Marshall SFO2 Musahid Guiam, patuloy pa ang kanilang imbestigasyon sa pangyayari .
Abot naman sa higit dalawang milyong piso ang halaga ng nasunog.
Nabatid na pagkatapos ng botohan kahapon ay agad inilipat ang mga ballot boxes sa municipal hall ng bayan.
Ayon sa ulat, may mga natanggap kasing impormasyon ang PNP at Comelec hinggil sa gagawing panggugulo kaya agad nilang nilisan ang lugar.
Inaalam pa ng BFP Buluan ang dahilan ng sunog.
Samantala, patuloy din ang imbestigasyon ng Buluan PNP sa nasabing krimen at inaalam pa kung ito ay election related.
Ito ang ikatlong polling center sa Maguindanao provinces na sinunog ngayong eleksyon.