Pulis, nagpaputok ng baril sa Kidapawan, pamangkin patay nang tamaan
Peace and Order • 11:00 AM Mon Nov 13, 2023
2
By:
Drema Quitayen Bravo/NDBC
Ang suspect na police na nakatalaga sa Magpet, North Cotabato. (DXND photo)
KIDAPAWAN CITY - DEAD ON ARRIVAL sa ospital ang isang dalagita nang aksidente tamaan ng bala nang magpaputok ang kanyang tiyuhing pulis, pasado alas 7:00 ng umaga kahapon sa Sitio Mateo, Brgy. Birada.
Kinilala ang nasawing biktima na si Hazel Jumuad Maangue, 13-anyos, estudyante, habang kinilala naman ang suspek na si Police Corporal Roy Soliva Maangue, 36-anyos na nakatalaga sa Magpet PNP, pawang mga residente ng nasabing lugar.
Ayon sa ulat ng Kidapawan PNP, naganap ang insidente nang magkaroon ng pagtatalo ang pulis at kanyang kaanak habang nag-iinuman sa nasabing lugar.
Dahil dito, tatlong beses nagpaputok si Corporal Maangue gamit ang kanyang service firearm na Glock 17 9mm pistol at aksidenteng tinaaman ang kanyang pamangkin.
Tinamaan ang biktima malapit sa kanyang lalamunan na agad namang isinugod sa ospital pero idineklara ring dead on arrival.
Agad namang nagsagawa ng hot pursuit operation ang PNP at nasa kulungan na ngayon ang nasabing pulis.