Pulis binaril sa Cotabato City, 13-anyos na estudyante tinamaan ng stray bullet
SUGATAN ang isang PNP member na kasapi Regional Forensic Unit Bangsamoro Autonomous Region o RFU BAR nang pagbabarilin sa De Mazenod Ave., Barangay RH 5, Cotabato City pasado alas 7:00 ng umaga kanina.
Kinilala ni Cotabato City PNP Director Col. Querubin Manalang Jr. ang biktimang pulis na si Patrolman Diosdado Olubalang Mosela, 28-anyos na taga Rempes, Upi, Maguindanao del Norte.
Sinabi ni Manalang na sakay ng kanyang minamanehong motorsiklo ang nasabing pulis patungo sanang RFU BAR office, sa PC Hill, RH 1 ng lungsod nang ito’y pagbabarilin.
Tinamaan ito sa kanyang pisngi at balikat na agad namang isinugod sa ospital at patuloy na nagpapagaling.
Habang sugatan sugatan din sa pamanaril ang isang 13-anyos na babaeng estudyante matapos tamaan ng bala sa bandang siko.
Patuloy pa ang imbestigasyon ng PNP sa insidente.