Opisyal ng Maguindanao Electric Cooperative, patay sa pamamaril
PATAY SA PAMAMARIL pasado ala una nitong hapon ang empleyado ng MAGELCO na si Alhassan Maongco.
Si Maongco ay nakababatang kapatid ni dating MAGELCO General Manager Ashary Maongco.
Siya ay pinagbabaril sa diversion road, Upper Capiton, Datu Odin Sinsuat, Maguindanao del Norte.
Ang pagkakakilanlan ng biktima ay kinumpirma mismo sa DXMS Radyo Bida nina Datu Odin Sinsuat PNP commander Major Regie Albellera at investigator PSSG Jhemin Untong.
Ang sasakyan ay Fortuner na may plate number na KAF 3615.
Ayon sa mga saksi, mag isa lamang ang biktima sa sasakyan.
Napag alaman ng DXMS na tatlong araw ang nakalipas ay kaarawan ng biktima.
Ang biktima ay kasalukuyang Manager ng Institutional Services Department ng MAGELCO o Maguindanao Electric Cooperative, Inc.