Mga Eid prayer venue sa Cotabato City, dinagsa ng mga mananampalatayang Islam

DINAGSA ng libo-libong mamamayan ang ilan sa mga prayer venue sa lungsod upang magsalah ng Eid kasabay ng pagdiriwang ng Eid’l Fit’r ngayon araw.

Ito’y kinabibilangan ng Cotabato City People’s Palace, Bangsamoro Government Center at ang Grand Mosque.

Nagsimula ang pag simba ng mga mananampalatayang islam sa pamamagitan ng pagtakbeer magmula ng inanunsyo ni Bangsamoro Darul Iftah Grand mufti Abdulrauf Guialani ang opisyal na resulta ng moonsighting kagabi.

Ang Eid’l Fitr ay ang araw na ginugunita ng karamihan ang pagtatapos ng isang buwang pag aayuno ng mga muslim sa pamamagitan ng pagsasalah.

Para sa mga muslim, ang araw na ito ay isa sa mga mahahalagang pagkakataon kung saan, tradisyon sa kanilang magsaya kasama ang buong pamilya.