Mga bakwet sa Maguindanao Sur, nabigyan ng ayuda ng MSSD at BTA member of parliament
COTABATO CITY - ABOT sa 623 mga internally displaced persons o IDP ng mula Barangay Gawang sa Datu Saudi Ampatuan, Maguindanao del Sur ang inabutan ng relief assistance ng MSSD-BARMM bago sila tuluyang bumalik sa kanilang mga tahanan.
Ang mga IDPs ay lumikas dahil sa nangyaring bakabakan ng dalawanbg grupo ng MILF na sangkot sa rido o family feud. Ang pabaon package ay binubuo ng isang sakong bigas, canned goods, kape, asukal, malong, trapal at water container.
Samantala, sa Pagalungan Maguindanao del Sur naman ay abot sa 400 sako ng bigas ang iniabot ni Member of Parliament Dr. Kadil Sinolinding sa mga pamilyang apektado rin ng gulo sa Barangay Dalgan.
Sa ngayon ay nananatili pa rin sa evacuation center ang mahigit isang libong mga bakwit dahil hindi pa ligtas balikan ang kanilang Barangay dahil sa gulo.
Nauna na ring namahagi ang Provincial Government ng Maguindanao del Sur ng tulong sa mga bakwit.