Magkapatid na drug peddlers, huli sa anti-drug ops sa MagNorte, P3.4-M shabu nakumpiska
NAARESTO NG MGA TAUHAN NG PNP ang magkapatid na drug peddler sa ikinasang anti-drug operation sa Barangay Dalican, Datu Odin Sinsuat, Maguindanao del Norte kahapon.
Kinilala ni Datu Odin Sinsuat municipal police station commander Lt. Colonel Sahibon Mamantal ang mga suspect na sina Monzor Talusan, 34 na taong gulang at 19 na taong gulang na katid nito na si Wuji, parehong taga Barangay Tambak, Sultan Kudarat.
Nagbenta ang dalawa ng shabu sa isang police undercover agent sa public market ng bayan kayat agad silang inaresto ng mga tauhan ng municipal at provincial drug enforcement units alas 5 nitong sabado.
Nakuha sa kanila ang anim na malalaking sachet ng shabu na nagkakahalaga ng P3.4 million.
Inihahanda na ng PNP ang kaso laban sa dalawa na ngayon ay nakapiit sa DOS municipal police station detention facility.
Noong Biernes, naaresto naman ng PDEA BARMM ang apat na suspected drug peddlers at nabuwag ang drug den sa Barangay Tamontaka Mother, Cotabato City.
Nakuha naman sa apat ang 28 sachets ng suspected shabu na nagkakahalaga ng P102,000, mobile phones at ibat ibang identification cards.