Lalaki patay sa ambush sa Pagalungan, MagSur, misis niya nakaligtas
Local News • 11:30 AM Tue Apr 2, 2024
350
By:
NDBC
PAGALUNGAN, Maguindanao del Sur - Patay ang isang lalaki habang nakaligtas naman ang kanyang misis matapos na sila ay ambusin sa Barangay Galakit kaninang umaga.
Kinilala ni Pagalungan municipal police station chief Capt. Datumasla Mangalangkat ang nasawi na si Dong Kusay Balabadan na nagmamaneho ng kanyang puting kotse nang paputukan ng mga suspect pasado alas 8 kaninang umaga sa national highway.
Matapos ang ambush, ang kotse ay nahulog sa gilid ng highway patungo sa swampy area.
Inaalam pa ng mga imbestigador ng Pagalungan Municipal Police ang motibo at kung sino ang maygawa ng krimen.
Ayon sa ilang saksi, ang mga bumaril ay dalawa katao na sakay ng isang motorsiklo.