Karambola ng mga motor sa Cotabato City 5 sugatan
Sugatan ang lima katao, dalawa dito ay malubha matapos sumalpok ang isang motorsiklo sa kasalubong na pick up truck na siya namang nakadale sa kasunod na motorsiklo ng kasamahan nito nang iwasan nito ang biglang tumawid na aso.
Sa impormasyong nakalap ng GMA news sa lugar, mag aala-dies ngayong gabi nang mangyari ang aksidente sa kahabaan ng Sinsuat Avenue corner Pansacala St.
Ayon sa driver ng itim na pick up truck, bigla na lang daw sumabit at sumalpok sa kaliwang bahagi ng kanyang left bumper ang unang motorsiklo dahilan upang madamay nito ang pangalawang motorsiklo na nakasunod.
Sa lakas ng impact ay nagka lasog lasog ang parte ng mga motorsiklo, dalawang lalaki at tatlong babae ang tumilapon sa kalsada, mga mga driver na lalaki ang napuruhan sa lakas ng impact.
Nakilalang ang mga biktima na sina Alicia Asi, Hamda Asi, Amy Asi, Albani Asi, at Badrudin Guiwan na pawang nasa hustong gulang at mga residente ng Lungsod.
Pero ayon kay Amy Asi, magkasunod lang aniya ang kanilang sinasakyan ng biglang tumawid ang isang kukay itim na aso na parehong iniwasan ng mga driver hanggang sa sila ay nagkasagian.
Kapwa nagtamo ng sugat ang mga nabanggit kung saan kritikal sina Barudin Guiwan at Albani Asi dahil narin sa tindi ng pinsala na kanling tinamo.
Agad namang tumulong ang ibang bystanders na madala sa ospital ang mga biktima.