Galit na PNP-12 director, ni-relieve ang police na nambugbog ng secu sa Koronadal

KORONADAL CITY – Pormal na nagsampa ng kasong Physical Injury, Grave Threat at Grave Oral Defemation ang guwardiya ng McGrille Resto Bar labansa isang miyembro ng Scene of the Crime Operative (SOCO) South Cotabato at kasama nito matapos siyang suntukin noong nakaraang huwebes ng gabi ngPebrero 1.Kinilala ang nasabing pulis na si PO3 Edmund O.Delos Reyes, miyembro ng SOCO South Cotabto (ang may bilog na guhit sa larawan) na makikitang sinugod at sinuntok ang nasabing gwardiya at dalawang miyembro ng Highway Patrol Group na sina Joven Sumugod at Reymart Lustro.Sa Press Conference,pormal na inanunsyo ni Police Chief Superintendent Marcelo Morales na ni-relieve na sa pwesto ang nasabing police na nanuntok ng gwardiya pati na rin si SOCO deputy chief Police Chief Inspector Armado Gallego at ang mga miyembro ng Highway Patrol Group na nakita sa video.Sinabi ni Marcelo na batay sa initial investigation, gustong pumasok ng grupo ni Delos Reyes sa restor bar subalit sinabi ng gwardiya na iwan ang kanilang armas alinsunod sa polisiya ng resto bar.Pero, na-insulto si Delos Reyes at tatlong beses na binigyan ng suntok ang gwardiya.Sinabi ni Marcelo na hanggat siya ang regional director ng PRO-12, mananagot at tatanggalin sa pwesto ang mga abusadong police.Si Delos Reryes at mga kasamahan ay nasa PNP custodial center habang patuloy ang imbestigasyon. Tiniyak ni Marcelo sa security guard na mananagot ang akusadong police dahil di nagsisinungaling ang video na naging viral sa internet.