Catamco to public: Be alert, don't panic, stay home
HEALTH • 06:15 AM Thu Apr 9, 2020
1
By:
Esther Roque
North Cotabato Gov. Nancy Catamco and Kidapawan City Mayor Joseph Evangelista speak to reporters after the meeting. (contributed photo)
KIDAPAWAN CITY - Sa harap ng panibagong COVID19 Positive case mula sa Kidapawan City, nanawagan ngayon si North Cotabato Governor Nancy Catamco sa mga mamamayan na maging mapagbantay upang mapanatiling ligtas ang sarili subalit huwag mag panic.
Ang panawagan ay inilabas ng gobernador sa ginanap na joint press conference ni Gov. Catamco at Kidapawan City Mayor Joseph Evangelista kahapon ng umaga kasabay ng pormal na paghayag kay patient PH 3671 na isang residente ng lungsod.
Sinabi ng gobernador na magkaroon ng pagbabago sa Executive Order (EO) na nagsulong ng General Community Quarantine kasunod ng positive COVID-19 case at Regional COVID19 Task Force kahapon.
Ipinaalala ni Catamco sa publiko na dapat magsuot ng mask, panatilihin ang physical distancing, palaging maghugas ng kamay at manatili sa bahay upang makaiwas na mahawaan.
Inilahad rin ni City Health Officer Jocelyn Incenzio na si PH 3671, ay residente ng Poblacion at kasalukyang nagdadalantao. Siya ay isolated na kasama ang pamilya.
Handang makipagtulungan ang city government sa ipapatupad na kautusan at inisyatibo ng provincial government upang matiyak na ligtas ang mamamayan laban sa COVID19, ayon kay City Mayor Evangelista.
