Barangay chairman ng Pagadian City, patay sa pamamaril
Breaking News • 21:15 PM Wed Nov 8, 2023
717
By:
DXMS NDBC
PATAY sa pamamaril ngayong gabi ang isang Barangay chairman sa Pagadian City.
Kinilala sa report ng TIMRA member DXBZ Radyo Bagting ang nasawing kapitan na si Rodolfo (Rofoldo) "Lolong" Dacol ng Barangay Lapedian.
Ayon sa pahayag ng anak ni Dacol, kararating lang sa kanilang bahay ang barangay kapitan alas 8 ng gabi sakay ng kanyang kulay puting Bao-Bao tricycle. Hindi pa nakapasok ng kanyang bahay ang kapitan nang paputukan.
Ang mga suspect ay tatlo katao na mabilis tumakas matapos mabaril ang biktima, ayon sa pahayag ng kanyang maybahay na si Ruth Dacol.
Siya ay idineklarang dead on arrival sa ospital.
Si Dacol ay kaalyado ni Mayor Sammy Co at nakatakdang manumpa bukas bilang halal na barangay kapitan.
Nagpapatuloy pa ang imbestigasyon.