4 patay sa highway accident sa Kabacan, North Cotabato
KIDAPAWAN CITY - Patay ang apat na katao matapos na sila ay maaksidente sa kahabaan ng national highway sa Barangay Kayaga, Kabacan, North Cotabato alas 8 kagabi.
Kinilala ng Kabacan PNP na pinamumunuan ni Maj. Maxim Peralta, ang mga nasawi na sina Mohaimen Bangkailan, 29 taong gulang, driver ng honda click, backrider na si Almina Bangkailan, 21, Nasser Mansag Cadulong na driver ng XR, at angkas na si Kalya Sacandal.
Lumalabas sa imbestigasyon ng PNP traffic division, nasa magkasalungat na lane ang dalawang motorsiklo at ang van na minamaneho ni Marcelino Zacharias ng Carmen, North Cotabato.
Ayon sa mga saksi, pagiwang-giwang ang takbo ng van bago ito sumalpok sa kasalubong na mga motorsiklo.
Nagkaroon ng head on collision ang van at ang dalawang motorsiklo.
Dinala ng amg rumesponding police at rescue workers ang mga sugatan sa ospital subalit sila ay idineklarang dead on arrival.
Napag-alaman na lasing ang driver ng van nang mangyari ang aksidente.