4 patay, 1 sugatan sa pamamaril sa Tantangan, South Cotabato
Breaking News • 07:00 AM Mon May 27, 2024
396
By:
DXOM NDBC
Mga tauhan ng SOCO habang ginagawa ang imbestigasyon. Nakarecover sila ng 37 empty shells ng assault rifle. (PNP Photo)
KORONADAL CITY - Patay ang apat na magkakamaganak habang sugatan naman ang isa pa nilang kasama matapos mabiktima ng pamamaril sa barangay Dumadalig, Tantangan, South Cotabato dakong alas dyes kagabi.
Ang mga biktima ay binaril ng isang suspek na pumasok sa kanilang compound habang nagiinuman ang mga biktima.
Ito ay ayon kay Tantangan chief of police major Erika Vallejo.
Sinabi ng mga imbestigador na isang lalaki ang dumating sa compound ng bahay na pag-aari ni Marlon Yuarata sa Purok 5 Luayon, Barangay Dumadalig, Tantangan. Siya ay armado ng 5.46mm assault rifle na kanyang ginamit sa pagpatay sa mga nag-inuman habang kumakanta sa videoke machine.
Ang mga nasawi on the spot ay ang magkamag-anak na sina Jerry Yuarata, Ronald Vallespin, Argie Villaronte and Marco Combiz, lahat mga magsasaka at nakatira sa naturang lugar.
Sugatan naman si Freddie Tabamo, magsasaka at kaanak din ng mga nasawi.
Inaalam pa ng PNP kung sino ang salarin at ano ang motibo nito sa pagbaril sa mga biktima.