3 suspected gunmen na nakipagbarilan sa AFP at PNP, hinahanap pa din
Local News • 19:00 PM Mon Dec 4, 2023
404
By:
DXMS NDBC
FOILED GUN SMUGGLING. Police agents inspect a white minivan in search of more firearms after a brief firefight in Barangay Kurintem, Datu Odin Sinsuat, Maguindanao del Norte, on Sunday (Dec. 3, 2023). (Photo from DOS PNP)
PATULOY na tinutugis ng mga otoridad ang tatlong nakatakas na suspect na sakay ng puting mini van na naharang ng Army at PNP sa Barangay Kurintem, Datu Odin Sinsuat, Maguindanao del Norte.
Sinabi ni Datu Odin police chief Lt. Colonel Esmael Madin, pasado alas 10 kahapon ng umaga ay dumaan sa checkpoint ang van na may license plate WOW-128 at sinita ng Regional Highway Patrol Unit.
Ayon kay Madin, pinaputukan ng mga sakay ng van ang mga police at nagkaroon ng bakbakan. At ang mga suspect ay nakatakas.
Walang nasugatan sa panig ng mga otoridad ngunit sinabi ni Madin na isa sa mga suspek ang posibleng tinamaan.
Bukod sa mini-van, narekober sa loob ng sasakyan ang isang M-14 rifle, isang M16 rifle, isang M-79 at mga bala.
Hindi kinilala ni Madin ang mga suspect at kung kanino naka-rehistro ang sasakyan.
Katuwang ng PNP ang Alpha Company ng 5IB 2nd Mechanized Battalion sa pagtugis sa mga suspects.