2 killed in Maguindanao Sur ambush
Mindanao Armed Conflict • 22:45 PM Thu May 25, 2023
337
By:
DXMS RADYO BIDA COTABATO
TINAMBANGAN ng mga di pa tukoy na mga suspek ang dalawang mga lalaking sakay ng mini-van sa bahagi ng Brgy. Satan, Shariff Aguak, Maguindanao del Sur bandang 7:45 ngayong gabi.
Batay sa ulat ng police investigators ng Shariff Aguak PNP na nakapanayam ng DXMS Radyo Bida, kinilala ang mga nasawi na sina Kamsa Sinalambai Abdullaziz, 33-anyos at Mohaladin Said Pangalaw, nasa hustong gulang, pawang taga Brgy. Satan, Shariff Aguak.
Sinabi ng PNP na ang dalawa ay nagtatrabaho sa palm oil farm sa Datu Hoffer, Maguindanao Del Sur.
Pauwi na sana ang mga ito nang tambangan ng mga di pa tukoy na mga salarin. Nagpapatuloy pa ngayon ang imbestigasyon sa nasabing pananambang.