2 foreign money lender, patay sa pamamaril sa MagSur, SulKud
UNANG binaril at napatay ang isang Pakistani National sa Purok Coffee 2, Barangay Salaman, Lebak, Sultan Kudarat Province sabado ng hapon.
Kinilala ang biktima na si Arshad Taraz Khan, 21 years old, Pakistani National na residente ng Poblacion 3, Lebak.
Sinabi sa DXMS Radyo Bida ni Lebak PNP chief Lt. Colonel Juluis Malcontento na naninigil ang biktima ng pautang na 5-6 nang biglang lapitan ng dipa tukoy na suspek at pinagbabaril sa dibdib at tagiliran.
Nakuha sa scrime scene ang dalawang empty shell para sa caliber .45 pistol.
Sa ngayon ay may ilang anggulo nang tinututukan ang Lebak PNP.
Kahapon ng umaga, binaril at napatay rin ang isang Indian national na kinilalang si Jaspreet Singh.
Ang biktima na 30 years old na taga Makilala, North Cotabato ay binaril habang sakay ng kaniyang Honda XRM 125 sa Damalusay, Datu Paglas, Maguindanao Del Sur.
Dinala pa sa Buluan District Hospital ang biktima ngunit binawin ito ng buhay dahil sa tinamong tama ng bala sa ulo.