South Cotabato national Gawad Manlilikha awardee pumanaw na, 106
INDIGENOUS PEOPLES NEWS • 17:15 PM Wed Jan 27, 2021
1
By:
RADYO BIDA KORONADAL
Photo courtesy of Kim Windell Villafranca Tiblani
KORONADAL CITY- Pumanaw na kahapon sa edad na 106 years old si Bai Yabing Masalon Dulo ang ipinagmamalaking 2018 GAMABA o Manlilikha ng Bayan Awardee ng South Cotabato. Ito ayon kay Arts Culture and Tourism Museum Unit Senior Tourism Operations Officer Argie Asaria ay kanilang ikinabigla at ikinalungkot.
Kinumpirma naman ni Asaria na bago binawian ng buhay labas pasok na sa ospital si Masalon Dulo dahil na rin umano sa edad nito. Ayon kay Asaria tiyak din na magbibigay pugay sa sumakabilang buhay na GAMABA awarde ang National Commission for Culture and the Arts o NCCA. Kaya ayon kay Asaria magbibigay na lamang ng tulong sa mga naulila nito ang provincial tourism office.
Si Bai Yabing Masalon Dulo ay kinilala dahil sa pagsulong nito sa ikat weaving o paghabi ng tradisyunal na Blaan cloth na “Mabah tabih.” Ayon kay Asaria sa huling yugto ng kanyang buhay naturuan din ni Masalon Dulo ng ikat weaving ang mga mamamayan sa kanilang komunidad sa Barangay Landan,Polomolok, South Cotabato.
Sa katunayan si Masalon Dulo ay naging Cultural Master for the Blaan Weaving School of Living Tradition sa kanilang lugar.
Ngunit para kay Asaria ang pinakamalaking naging kontribusyon nito ay ang maturuan ang mga mamamayan ng South Cotabato kung papaano pahalagahan ang kultura at sining.
Pinaalahanan din ni Asaria ang publiko na dahil sa COVID-19 pandemic limitado lamang ang maariing dumalaw at mariing ipinatutupad ang health protocol sa burol ng pumanaw na Gawad manlilikha awardee.