SoCot needs volunteer physicians, workers for vaccination area

KORONADAL CITY-Balakid ngayon sa pagdagdag ng vaccination sites ng mga local government unit sa South Cotabato ang kakulangan ng mga doktor.

Kaya umaapela si Provincial Epidemiology Surveillance Unit o PESU Head Celia Lorenzo sa mga health workers na walang trabaho o may bakanteng mga oras pumunta sa mga local health office. Ito ay upang malakip sa COVID-19 vaccination team.

Paliwanag ni Lorenzo dahil sa kakulangan ng storage facility mahalaga ang pagkakaroon ng dagdag na vaccination sites sa lalawigan.

Ito ay upang makapagpabakuna din ng mas maraming mga mamamayan.

Binigyan diin ni Lorenzo na requirement ang isang doktor sa bawat vaccination site na mahirap ngayon sa mga LGU na kulang din sa medical work force.

Ayon kay Lorenzo ang pagdagdag ng vaccination site ay bilang paghahanda din sa inaasahang pagdating ng malaking bulto ng COVID-19 vaccines sa South Cotabato (Roel P. Osano)