Quirino Bridge tuluyan nang isinara, rehab works pasisimulan
COTABATO CITY - ILANG TAON NANG SARADO ang Quirino bridge sa mga mabibigay na sasakyan at nitong huling dalawang taon ay bawal nang dumaan ang mga light vehicles, maging ang tricycle.
Nitong 2022, pwede pang dumaan ang mga tao at bisekleta pero nitong Mierkules, talagang wala nang makakatawid sa tulay.
Naunang ipinatawag ni Mayor Bruce matabalao ang mga kinatawan ng DPWH Main Office, contractor at maging ang City PNP para pag-usapan ang pagsisimula ng renovation.
Sinabi rin ng pamunuan ng Cotabato Light na natanggal na nila ang mga live wire na isa sa dahil kung bakit natigil noong nakaraang taon ang pagsasaayos sa tulay.
Ang natitira nalang ngayon ay ang poste ng kuryente kung saan nakakabit ang mga linya ng mga telecommunications company.
Hindi naman umano ito mapanganib at sinabi ng Cotabato Light na maari ng maglagay ng kanilang mga makenarya ang contractor.
Wala pang itinakdang panahon kailan matatapos ang renovation at rehab ng tulay na ginawa noong 1050s United States Bureau of Public Roads at ng Philippine Public Works.