PNP: Love triangle, isa sa mga motibo ng ambush sa Sri Lankan at Indian sa Maguindanao
Peace and Order • 10:00 AM Tue Apr 5, 2022
941
By:
DXMS RADYO BIDA
INILUNSAD NG PNP DATU ODIN SINSUAT, Maguindanao ang manhunt operation laban sa mga nang-ambush sa isang Sri Lankan, Indian at sa asawa nitong Maguindanaon noong linggo ng gabi.
Sinabi ni Datu Odin Sinsuat town police chief Lt. Colonel Assir Balindong na may mga lead na silang sinusundan sa kaso. Isa aniya sa mga posibleng dahilan ng ambush ay "love triangle."
Kinilala niya ang mga nasugatan na sina Indian Andikkadan Kushi Wais, 36, at asawa nitong si Sheryhan Usman Langui, 23. Nakaligtas naman ang Sri Lankan na si Mohamed Sideek Rifard na nagmamaneho ng Suzuki minivan.
Ayon kay Balindong, patungong national highway ang mga biktima mula sa Barangay Semba nang paputukan ng mga nakaabang na mga suspect gamit ang cal. 45 pistol alas 11:45 ng gabi.
Sinabi ni Balindong na target ng mga suspect ang Sri Lankan na si Rifard at nadamay lang ang mag-asawang Indian at Maguindanaon.
Sinabi ni Balindong na may naka-gusto sa misis ni Rifard at gusto itong kunin ng di kinilalang suspect mula sa kanya.