Pastor, nasawi sa vehicular crash sa Koronadal, sangkot ang motor at sasakyan ng Pag-IBIG
Breaking News • 12:15 PM Fri Oct 15, 2021
1
By:
DXOM-RADYO BIDA KORONADAL
KORONADAL CITY - Tuluyang binawian ng buhay ang isang motorista matapos itong mabangga ng sasakyan sa national highway Purok Crismus, Barangay Saravia pasado alas 5:30 ngayong umaga.
Kinilala ang biktima na si Roger Canilao, 66 anyos, residente ng Purok Maharlika ng nasabing barangay.
Batay sa report ng Koronadal PNP traffic, pauwi na sana si Canilao ngunit nahagip ito ng Isuzu MUX na pagmamay-ari ng PAG-IBIG at minamaneho ni Angelito Sorita.
Batay sa testimonya ni Kagawad Raymond Marin, paliko na rin siya nang nagkaproblema umano ang gulong ng Isuzu MUX kaya nag-counterflow ito.
Nagtamo ng mga sugat sa katawan si Canilao bunsod sa pangyayari, ngunit idineklarang dead on arrival sa South Cotabato Provincial Hospital.