Negosyante, binaril at napatay sa Koronadal City
Local News • 15:30 PM Wed May 5, 2021
1
By:
DXOM Radyo Bida Koronadal
Isang negosyante, binaril ng pinaniniwalaang riding-in-tandem suspects sa Koronadal City kaninang banda alas 10:30 ngayong umaga.
Batay sa inisyal na imbestigasyon, kinilala ang biktima na si Armando Surmillo, 61 anyos at residente ng Brgy. Sto Nino nitong lungsod.
Ayon sa ilang testigo, nagulat na lamang sila sa mga putok ng baril malapit sa itinatayong hardware shop ng biktima sa harap ng Villa Amor hotel.
Nagtamo ng mga tama ng bala ang biktima, kung saan ayon sa isang empleyado ay humihinga pa ito at conscious nang isinugod sa bahay pagamutan.
Narekober sa crime scene ang pitong basyo ng pinaniniwalaang kalibre 45.
Sa ngayon ay inaalam pa ng mga otoridad kung ano ang posibleng motibo sa pagbaril sa nasabing biktima.