NDBC COVID 19 WATCH: 54 healed, 28 new cases
Breaking News • 05:30 AM Wed Dec 16, 2020
610
By:
NIGEL PAUL FLORA SUMANGHID/NDBC
Mas marami pa rin ang bilang ng mga pasyenteng gumaling na mula sa Coronavirus Disease sa Soccsksargen Region.
Ayon sa talaan ng Department of Health hanggang kagabi, 54 ang mga pasyenteng tuluyan ng gumaling mula sa nakamamatay na sakit.
Sa 54 na pasyenteng gumaling, 23 ang taga Sarangani, 11 Cotabato City, 10 South Cotabato, 8 General Santos City at tig-iisa sa North Cotabato at Sultan kudarat.
Dahil dito umaabot na sa 3,833 ang total recoveries ng Covid 19 sa Rehiyon. Kahapon din, naitala ng DOH ang 28 panibagong coronavirus infection sa Rehiyon.
Siyam sa mga bagong kaso ay taga North Cotabato, walo sa General Santos City, lima sa Cotabato City, apat sa Sultan Kudarat at tig-iisa sa South Cotabato at Sarangani.
Dahil diyan abot na sa 4,277 ang total Covid infections sa Rehiyon. General Santos City parin ang may pinakamataas na kaso ng sakit sa boung rehiyon na may 1,251 covid positive, sumusunod ang South Cotabato na may 1,063 covid infections, pangatlo ang Cotabato City na may 1,006 cases, Sarangani 391, North Cotabato 331, at Sultan Kudarat 235.
Sa magkasunod na dalawang araw walang naitalang nasawi rehiyon kayat nanatili sa 150 ang total related deaths. Habang mas bumaba ng hanggang sa 293 ang active cases o mga pasyenteng nagpapagaling pa.