Mixer truck vs. kotse: 1 patay, 1 sugatan
Local News • 12:00 PM Sat Mar 27, 2021
1
By:
DXND NDBC NCA
Isa ang patay habang kritikal ang isa pa nang aksidenteng sumalpok ang kotse sinasakyan ng mga ito sa isang mixer truck sa national highway ng Barangay Lanao, Kidapawan City alas kwatro ng madaling araw kanina.
Kinilala ang nasawi na si Immer Plang, 23-anyos na taga Apo Sandawa ng lungsod habang nagpapagaling sa pagamutan si Carlo Bercero 23-anyos, single, isang seaman na taga Poblacion, Kidapawan.
Sa ulat ng traffic investigators ng Kidapawan City PNP, binabaybay ng dalawang mga sasakyan ang parehong lane nang maganap ang insidente.
Sa panayam ng Radyo Bida kay Kidapawan PNP Chief Lt.Col Rammel Hojilla, posibleng nakainom ang dalawa o nakatulog ang driver nang mangyari ang insidente, bagay na patuloy pang iniimbestigahan ng PNP.