Mayor Ogena defends arming BPAT
Local News • 15:00 PM Mon Jul 26, 2021
758
By:
NDBC NCA /DXOM-RADYO BIDA KORONADAL
Koronadal City Mayor Eliordo Ogena
KORONADAL CITY - Nagpaliwanag si Koronadal Mayor Eliordo Ogena hinggil sa iminumungkahi nitong pag-armas sa mga BPAT members sa bawat barangay bilang isa sa mga hakbang upang mapanatili ang kapayapaan at seguridad sa kani-kanilang mga nasasakupan.
Ito'y matapos nagpahayag ng pangamba ang ilang mga residente ng lungsod na baka maabuso ito ng mga BPAT members at magiging trigger-happy na magreresulta sa kontrobersiya o kamatayan kapag hindi magagamit ng maayos.
Ngunit inihayag ni Ogena na batay sa kaniyang mungkahi, bubuo rin sila ng mga protocols upang masiguro na tatalima ang mga ito maliban pa sa pagdaan sa masusing training, neuro exams at orientation ang mga BPAT members upang matiyak na magiging responsable sila sa paggamit ng mga armas.
Plano kasi ng alkalde na i-isyu sa kanila ang shotgun, habang ang ibang BPAT members ay mananatiling ang kanilang armas.
Bawat barangay aniya ay may tig-isang shotgun na plano nitong ipamahagi kung saan gagamitin lamang ito kapag armado ang suspek o malalagay sa panganib ang kanilang buhay.