Maguindanao is now divided
NDBC BANTAY HALALAN 2023 • 18:30 PM Sun Sep 18, 2022
1
By:
DXMS Radyo bida
PHOTO: Makabagong Maguindanao FB Page
COTABATO CITY - MAGKAKAROON na ng Maguindanao Del Sur at Maguindanao del Norte kasunod ng pagkapanalo ng “YES” sa ginanap na plebisito kahapon sa Maguindanao.
Batay sa official canvassing result, 706,558 voters o 99.27% ang nagsabi ng “yes” sa tanong kung papayag ba silang hatiin ang lalawigan ng Maguindanao sa dalawang hiwalay na probinsya batay sa nakasaad sa Republic Act No. 11550?”
Kabuuang 5,209 voters – o katumbas ng 0.73% – ang nagsabi naman ng “no.”
Ang voter turnout ay 86.93%.
Nabatid na ang paghahati ng Maguindanao sa dalawang lalawigan ay nangangahulugang mas mapabilis na ang pamamahagi ng basic social services sa mga mamamayan dahil magkakaroon na ng dalawang provincial government.
Sa ilalim ng RA 11550, si Maguindanao Vice Governor Ainee Sinsuat ang siyang magiging kauna-unahang gobernadora ng Maguindanao del Norte.
Habang si Governor Bai Mariam Sangki-Mangudadatu ang mamumuno sa Maguindanao del Sur.
Sakaling umupo na sa pwesto ang mga governors, vice governors, at majority ng provincial board members, inaasahang magkakaroon ng mga appointive positions sa nasabing mga probinsya sa loob ng 60 days.