Libungan, North Cotabato binaha, kagamitan ng mga mamamayan dinala sa gilid ng highway
LIBUNGAN, North Cotabato - KASUNOD NG MALAKAS NA BUHOS NG ULAN kahapon, binaha ang ilang low-lying areas sa Libungan, North Cotabato.
Tinatayang mahigit 100 mga pamilya ang apektado at napilitang hakutin ang kanilang kagamitn sa gilid ng highway na inabot na din ng tubig baha alas 8 kagabi.
Sinabi ni Municipal agriculturist Tereista Bingil Testado na nagsimulang tumaas ang tubig at pumasok sa mga bahay sa gilid ng highway ilang oras makaraan ang malakas na buhos ng ulan.
Bukod sa mga bahay, napasok na rin ng tubig baha ang Catholic chapel sa Barangay Batiocan.
Lubog din sa tubig ang malawak na palayan sa naturang barangay.
Ito ang ikalawang pagbaha sa naturang lugar ngayong taon bagaman at malimit na ang pagbaha kapag malakas ang buhos ng ulan sa itaas na bahagi ng bayan.
Nagmula ang tubig sa Mt. Agkir-Agkir na sinasabing kalbo na dahil sa pamumutol ng puno at kaingin.