Huling pagpugay sa isang sundalong bayani na nasawi sa Maguindanao
Binigyang parangal ng 43rd Infantry Battalion, Philippine Army, sa Catarman National Airport sa Catarman, Northern Samar si Corporal Melchor Solayao na nasawi sa isang roadside bombing sa Datu Hoffer, Maguindanao bago lamang.
Anim na mga kasama ni Cpl. Solayao ang nasugatan sa naturang pagpapasabog ng roadside bomb ng Bangsamoro Islamic Freedom Fighters habang dumadaan ang kanilang sasakyan sa bahagi ng isang highway sa Datu Hoffer, isa sa mga bayan sa Maguindanao na may presensya ng BIFF.
Si Cpl. Solayao ay taga Barangay Macagtas sa bayan ng Catarman sa Northern Samar.
Sa isang official statement ngayong Byernes, August 13, nagpasalamat sa 43rd IB si Major Gen. Juvymax Uy, commander ng 6th Infantry Division na sumasakop sa Maguindanao, sa pagbigay ng naturang battalion ng airport military honors para sa nasawing si Cpl, Solayao.
Ayon kay Major Gen. Uy, siya ring commander ng anti-terror Joint Task Force Central sa Central Mndanao, ang 43rd IB din ang siyang nagtalaga ng vigil guards at nag-alay ng bulaklak sa burol nito.
Naiulat din ng media na ang 43rd IB din ang siyang nag-facilitate ng pagpapa-abot sa naulilang pamilya ng sundalong killed in action (KIA) ng inisyal na financial assistance sa immediate family nito mula sa iba't ibang units ng Armed Forces.