Higit 60 bahay nasira ng malakas na hangin sa Cotabato City.
COTABATO CITY - Mahigit 60 mga bahay ang totally damaged habang inaalam pa ang bilang ng mga partialy damaged makaraang manalasa ang buhawi sa Purok Kidepo, Barangay Kalanganan Uno at Mother Kalanganan sa Cotabato City pasado alas singko ng hapon kamakalawa.
Sinabi sa DXMS Radyo Bida ni Kalanganan Uno barangay kagawad Fahad Arap Bacol, na sa kasagsagan ng kanilang paghahanda para sa buka biglang bumuhos ang malakas na ulan at kasabay nito ang malakas na hangin.
Naging emosyonal naman si Sonny Tabuan ng kanyang ekwento sa DXMS kung paapanong nangyari ang insidente, isa ang kanyang bahay sa nawasak matapos mabagsakan ng punong kahoy.
Karamihan sa mga bahay ay wala ng atip at dingding, habang ang iba ay nabuwal, nabagsakan ng punong kahoy at niyog.
Walang naitalang nasawi habang may isang nasugatan.
Nanawagan naman ang mga apektadong residente ng ayuda mula sa city government hanggang ngayon kasi wala pa silang natatanggap.