Go: Obviously fake news, sayang oras kung patulan

Sayang oras kung patulan pa lahat ng fake news.

Sagot ito ni Sen. Christopher Bong Go sa kumakalat na balitang si Manila Mayor Isko Moreno ay kanyang secret candidate.

Hindi na bago na madami na namang kumakalat na fake news lalo na’t papalapit na ang eleksyon.

Asahan natin na dadami pa yan sa susunod na mga araw kung kaya’t dapat maging mapanuri tayo sa mga impormasyon na nakukuha natin.

Lahat na nga ng oras namin nakatuon sa pagtulong sa gobyerno na maiahon ang ating mga kababayan na malampasan ang pandemyang ito.

Bakit namin sasayangin ang oras namin sa pulitika ng ibang kampo? Tulad naman ng sabi ko noon, hindi ko iiwan si Pangulong Duterte hanggang sa aking huling hininga.

Kung saan siya, doon ako. Pagdating sa aming prinsipyo, pagseserbisyo at pati na rin sa pulitika, walang iwanan.